Una causa que m'agrada fòrça dins la vida son las flaütas. De tota mèna e que venan de'n pertot.Alara per vos faire descobrir un pauc aquel instrument vos prepausi un artista qu'es vengut una legenda de la flaüta e qu'agrada mai que tot: Ian Anderson de Jethro Tull grop conegut de las annadas 70 entre lo rock e lo psichedelic. Donc doas video de Jethro Tull que son seguidas d'un artiste american contemporanèu que saup mesclar dos genre pro especials: Greg Pattillo.
Trista nòva pel mond d'Occitania avèm perdut lo duo lo mai important de l'istòria de l'occitania: Brotto-Lopez que s'es deseparat!!!
Pels que coneisson pas lo Duo Brotto-Lopez lo vos vau presentar:
De'n primièr lo Guilhem. Es nascut lo 20 de genièr de 1981 e comencèt la musica a 8 ans. En 1999 descobrís la lenga occitana e las musicas tradicionalas. Es a aquela epòca que pren consciéncia de sas originas espanhòlas e occitanas. Cantaire e musician a temps complet jòga actualament en solò e dins mantunas formacions.
Lo Brotto que seguís. Cabussa tre qu'es pichon dins las musicas tradicionalas del sud-oest de França. Musician creatiu e curiós, fonda son estil pròpri de jòc mercé a d'escotas de colectatge e de rescontras nombrosas. Dempuèi mai de detz ans se passeja per animar concèrts, balètis, e estagis en França, Itàlia, Alemanha, e Olanda.
Son dos musicians qu'an agut un percors totalament diferents e qu'an sauput trapar de causidas esteticas comunas a l'entorn d'una musica liura e inovanta pel mai grand bonaür dels dançaires e ausidors. Prepausan un repertòri larg que ven principalament de Quercy e de Gasconha, prepausan tanben de composicions originalas. Los musicians tornan teissar colectatge, transmicion, e creacion. Rendon omenatge als musicians ancians e nos balhan a escotar dins un meteis temps çò qu'an reçauput e çò qu'an eles meteisses compausat.
Urosament vos podètz consolar lo novèl Duo Brotto-Lopez arriba en abans primièra vaquí una fòto exclusiva d'eles!
Comptatz lo mond que va dançar (normalament es una dança d'òmes, anatz comprendre perqué)
Prenetz tan de padena, de cassòla,... que i a de persona
Trapatz tanben tant de cassa, d'escrumadoira, d'espatula,... totjorn una per persona.
Una toalha, o un troç de teissut totjorn un cadun
E aqui una manipulacion pas aisida de faire que i vau consacrar un paragraf
Prenetz vòstre troç de teissut e nogatz ba al nivèl de vòstras cuèissas, entortilhatz l'aisina de coisina qu'avetz causit a l'entorn del teissut. Cal que tenga e devetz poder lo levar quand dubrissetz las cueissas de pè. Aquò fait prenetz la padena o autra dins una man e ara podetz commençar a dançar.
Dançar consista a ensejar de marchar en redond en cantant e quand arriba las paraulas "lèva lo tendilhon" devetz levar vòstre aisina e botar la padena d'un biais que la cassa arriba pas ont fa mal pels òmes, e aital marcatz lo ritme! Bon coratge als òmes e amusatz vos plan
PS:Lo "Tendilhon" èra una caviha d'una antica alpech.
Dirai sens resèrvas qu'es lo melhor que conneissi. Es ma mameta que lo me faguèt descobrir e dempuèi, sa sabor berça los sovenirs de ma joïnessa. Una genesa tendre cuberta d'un napage a l'irange e d'una còca de chocolat fin que sembla lo sagèl d'un rei, aquò pòt sonque faire plaser. I a pas cap de reclama que podriá vanatr los meritis d'una ameravilha tant bona qu'aquela. Lo mescladís de las sabors vos fará viatjar a travèrs un mond tot plen de doçor e d'amaarum, du fruchat e de fevatat, de mofle e de crocant. Tota las qualitats per s'enamorar sul pic.
Alara de qu'esperatz per anar vos crompar un paqueton d'aquel delici...
Benvenguts en Escòcia, espèri qu'avètz previst, benlèu cresiatz que fasiá freg lo ser quand avètz pres l'avion a Gerona, sètz partits amb un pull una eissarpa puèi es bon es pas la Siberia. Perduts es pièg! Sabiái pas qu'existissiá un país
ont la plueja es jornalièra,
ont podètz pas plorar sens que las lagremas vengan sul pic de glaça,
ont tota vòstra moneda es passada en equipament d'eski,
ont lo mond se passejan en camiseta alara que vautres sètz roge de'n pertot e cresètz que los vòstres pès an migrats vers de contradas mai caudas,
ont dintratz dins una botiga e corrètz al la seccion dels surgelats per trapar un pauc de calor,
ont crosatz de jogaires de cornamuse qu'aqueles colhons son en kilt!!!!!
...
Si que non es un país fòrça agradiu, degun parla pas francés, an un accent de caluc e donc los podètz pas comprendre mas son simpatics e sabon dire: "voulez vous couher avec moi" Ba sabon dire mas sabon pas de que vòl dire, pas grèu. Son festejaires dels bons, per Halloween son totes costumats abans pendent e après dins tota la vila, e donc fan la fèsta tota la setmana alara qu'an corses!
Fin finala son pas tant diferents qu'aquò de nautres !
Visca l'Ecosse ont cal pas anar en defòrra de l'estiu e encara siaguetz previstant...sotirssetz coverts!
Aquò's una planta de la familha dels verbenacats, un arbron de talha mejana (50cm a 1m50) qu' a de fuèlhas semi-persistentas, es a dire que cabussan per fòrta gelada, de color verd fosc e lusent marcadas de nervuras en cròi e portant de paniculas de flors jaune a irange viu. La florason s'espandís de junh a setembre e es remirabla per la profusion de sas flors treslusentas. Es una planta que supòrta totes los sòls mas coma nautres li agrada mai lo solelh. Aqueste amor del solelh es acompanhat d'una set fòrça granda Ven d'America o d'Africa, lo lantana foguèt descobèrt al sègle XVII al Brasil. Son nom li èra balhat en rason de la semblança de sas fuèlhas amb las de la viorne mancienne o viburnum lantana. Es una planta que li coneissèm pas d'ennemics o de malautiá. Mas mèfi qu'es toxica!!!!
Tot aquò per vos presentar LANTANA qu'es una marca de vestits del País-Basque que fa de camisetas per òmes, femnas e dròlles e d'accesòris que poiretz veire sul siti.
"Avec 25% de la production hydroélectrique française nous pouvons vous fournir une énergie plus propre.
En associant l'énergie hydroélectrique à l'énergie nucléaire, deux énergies à très faible émission de CO2, nous vous assurons un approvisionnement constant en énergie tout en luttant contre le réchauffement climatique. Redécouvrons l'énergie. Une énergie plus sûre, plus respectueuse, mieux consommée."
Un pichòt remembre, me sembla que lo nuclearí produsis de dechets que son dangeroses pendent de milierats d'annadas que sabon pas ont los botar que causisson sovent la mar an quitament pensat de los mandar dins l'espaci (per en cas que la tèrra seriá pas sufisenta). Vertat que lo nuclear fa pas gaire de gas a efièit de sèra mas pichòt problema contamina la tèrra per un o dos (o mai) milions d'annadas. Sèm lo país lo mai nuclearizat del monde (1100 sitis que contenon de nucleari) e avèm pas decidit de'n sortir a mai se sabèm que lo nucleari a un còst fòrça fòrça elevat dèu prener en compte la recèrca publica, lo desmantelament de las centralas, la gestion dels dechets pendent de milierats d'annadas,...
Alara dire qu'an una "énergie plus propre" se podriá dire, mas "plus respectueuse" es un pauc exagerat que lo nucleari respecta pas res!!
Jean-Paul Marat lo 13 de julh 1793 aguèt rendètz-vos e pr'aquò èra dins sa banhadoira quand la dòna arribèt e lo tuèt, alara perqué dins sa banhadura? Abans de respondre an aquela question anam tornar viure lo darrièr jorn de Jean-Paul.Lo 13 de julh, Marat sap sonque qu'una joventa va passar en cò d'el perque a "des révélations à lui faire" e qu'el pòt "rendre un grand service à la France". Marie Anne Charlotte Corday 25 ans, ven de Normandia e es sus Paris dempuèi lo 11 de julh, demòra a l'ostal de la Provindence. A premeditat son gèsta perque a escrit Adresse aux Français amis des lois et de la paix,un texte long per explicar çò qu'anava faire. A 8 oras crompa un cotèl 40 sòls al Palais Royal, un cotèl de taula amb un margue de fusta brun a viròla d'argent. A 11 oras la dròlla marcha dins lo Paris de la Terreur arriba dins la carrièradels Cordelièrs e s'arresta dabans lo 30. Tòca sens crenta es segura d'ela, Marat es per ela lo grand responsable de totes los malastres del pòble francés. Mas digus li respond pas, quuna maganha. Torna lo ser e Marat demanda a la faire dintrar. Parlan mas quand lo Jean Paul li ditz que los deputats seràn guilhotinats Charlotte li planta lo cotèl dins la garganta. E es la fin de la jornada per Jean Paul Marat! Mas demòra la nòstra question granda e la mai importanta alara vaquí la responsa concernant la banhadoira...
.
.
.
.
.
.
.
.
.
.
.
.
.
Jean Paul Marat èra dins sa banhadoira lo 13 de julh 1793 al ser non pas perque èra a se lavar mas perque patissiá de prusors grèvas que lo forçavan a prendre de banhs fòrça sovent per lo solatjar! De saupre que Napoleon tanben aviá de problèmas de prusor...demòra de saupre se el tanben sus l'iscla Sainte Helène moriguèt dins una banhadoira!
